113 pp. 24x16. Enc. seda con sobrestampación e sobrecuberta en papel vexetal a dúas tintas. Prólogo Senén Barro Ameneiro. Traducción Elisardo Antelo Suárez. Clásicos do pensamento universal 7. Universidad de Santiago de Compostela. Universidad, 2006.

Moi poucos libros resisten o paso do tempo, sobre todo aqueles que se orientan a ámbitos científicos ou tecnolóxicos. Nun mundo no que o coñecemento e os desenvolvementos tecnolóxicos aumentan freneticamente, os libros, incluso aqueles que viron a luz con grande expectación e acerto, fican axiña superados por outros que van máis alá ou incluso refugan as achegas dos primeiros. Aínda así, algúns destes libros seguen sendo de enorme interese, non tanto pola vixencia plena dos seus contidos canto polo acerto dos seus autores para situar ao lector nun nivel de reflexión, de sentido crítico relativo ao saber, que non entende de anos nin de momentos. Sen lugar a dúbidas, tal é o caso deste libro, publicado postumamente en 1958 e debullado durante a tráxica enfermidade do seu autor, quen finou deixando o texto en boa medida incompleto e non axeitadamente organizado; carente, en definitiva, dos repasos que permitirían proporcionar unha forma máis acabada ao seu contido, pero aínda así unha xoia do pensamento científico que se proxecta desde o mundo do natural ao mundo do artificial, e deste a aquel, e volta a empezar. Unha obra clave nas orixes da tecnoloxía da computación.